Viky García
Viky García é unha artista galega que traballa no eido da fotografía. As súas fotografías, persoais e con tinguiduras surrealistas, xorden como un compendio de distintas disciplinas: a performance, a instalación e o autorretrato.A través destes medios, a artista desenvolve escenas inverosímis nas que explora os seus personaxes máis íntimos, co fin de profundar na psicoloxía dos mesmos. A súa obra formou parte de festivais, foi publicada en revistas de arte e exposta internacionalmente.
